Главное управление по контролю
качества лекарственных средств
и медицинской техники


   Структура ГУП ГЦЭСЛСИМНМТ
Фармакопейный комитет
Фармакологический комитет
Комитет по контролю за наркотиками
Фарминспекция
Комитет по новой медицинской технике
Отдел регистрации
Лаборатория контроля кач. и стандартизации ЛС
Лаборатория фармако-токсикологических исследований
Лаборатория вакцин, сывороточных препаратов и микробиологических исследований
Лаборатория контроля качества изделий мед. назначения и мед. техники
Орган по сертификации медицинской продукции
Информационно-аналитический отдел
Метрологическая служба
Полиграфический отдел
Отдел координации внедрения международных стандартов в фармацевтическую отрасль
   Информация о лекарственных взаимодействиях и противопоказаниях
   Публикуемая информация (Чоп этилган ахборот)
   Телефоны доверия
   Перечень документов, для получения лицензий по обороту НППр
   Нормативные документы по обороту НППр
   Конференции, семинары, курсы, конкурсы
   Информация для фармацевтических производителей по сертификации GMP
   Гос. реестр сертифицированных фарм. производителей на соответствия гос. стандарту O’zDSt 2766:2013
    Контакты

Контакты      E-mail     FAQ     
 Фарминспекция

Д.Г.Носирова – Фарминспекция бошлиғи.
Ходимлар штат
30 та
2017 йилда “Дори воситалари, тиббий буюмлар ва тиббий техника экспертизаси ва стандартизацияси Давлат маркази” ДУК (“ДВТБТТЭСДМ” ДУК) қошида
Фарминспекция бўлими ташкил этилди.
Тузилишига кўра:
-
Бош мутахассислар-11,
-
Етакчи мутахассислар-13,
-
1-тоифали мутахассислар-3,
-
2-тоифали мутахассислар-2.

I. Фарминспекция бўлимининг асосий вазифаси фармацевтика фаолиятини амалга ошириш учун Соғлиқни сақлаш вазирлиги томонидан лицензия берилган хўжалик юритувчи субъектлар устидан назорат, яъни:
- Дори воситалари ва тиббий буюмларнинг ишлаб чиқариш, сертификация, сақлаш, тайёрлаш, ташиш ва улгуржи реализация қилиш жараёнида сифати бўйича;
- Фармацевтика фаолиятини амалган ошираётган корхоналар сони:
-
дори воситалари ва тиббий буюмлар ишлаб чиқарадаган-150, шу қаторда қон қуйиш марказлари - 4;
-
улгуржи реализация- 600 дан ортиқ;
- дори воситаларини тайёрлаш муассасалари-201;
-
назорат-тахлил лабораториялари-12;
-
сертификатлаш марказлари-5;
-
илмий-тадқиқот муассасалари-9.
- Хуқуқни химоя қилувчи органлар билан хамкорликдаги ишлар.
-
Гуманитар ёрдам тарзида келтирилган дори воситалари ва тиббий буюмларни сифати бўйича хулоса бериш;
-
Шикоятлар билан ишлаш.
- Давлат арбитраж назоратини ташкиллаштириш ва ўтказиш.

II. 2017 йилнинг 9 ойи мобайнида амалга оширилган ишлар
1. Назорат қилувчи органлар фаолиятини мувофиқлаштирувчи Республика кенгашининг (НҚОФМРК) режа-жадвалига кўра 203 та субъектларида текширишлар ўтказилиши режалаштирилган, шулардан:
-152 та (113 та дорихона, 31 та улгуржи омборхона ва 8 ишлаб чиқариш) тадбиркорлик субъектларида
 (8 ойда) режали текширишлар ўтказилди.
- 7 та лицензиатлар текширишлар режа-жадвалидан чиқарилди. (НҚОФМРКнинг 2017 йил 22 мартдаги 06/1-216-сонли ва 9 июндаги 06/1-532-сонли хатларига асосан);
- 44 та режали текширув ўтказилмади. ЎзР Президентининг 2017 йил 14 февралдаги ПҚ-2773 сонли қарорига асосан 2017 йил 1 апрелидан Фармацевтика фаолиятининг тури дори воситалари ва тиббий буюмларни чакана реализация қилишни лицензиялаш ва назорати ҳокимликларга ўтказилган ва  текширишлар 2017 йилнинг 4-чорагига кўчирилган.
Текширишларда қуйидаги камчиликлар аниқланди:
            Яроқлилик муддати тугуган тиббий буюмлар 1 турдаги 50 ўрам;
            Мувофиклик сертификатлари мавжуд бўлмаган 197 турдаги 2633  ўрам дори воситалари ва тиббий буюмлар;
            Давлат тилида қўллаш йўриқномалари мавжуд бўлмаган 24 турдаги 106 ўрам дори воситалари ва тиббий буюмлар;
            54 та дорихона ва улгуржи омборхоналарнинг СанПиН-0337-16 ва СанПиН-0319-15 талабларига жавоб бермаслиги;
            35 та дорихона ва улгуржи омборхоналар хоналарида жиҳозлар, техник воситалар етарли эмаслиги;
            58 та дорихонада 20 турдаги бўлиши мажбурий бўлган дори воситалари ва тиббий буюмлардан 1-14 турдаги дори воситалари ва тиббий буюмлар билан таъминланмаганлиги;
            98 та дорихонада Соғлиқни сақлаш вазирлигининг 191-сон буйруғи
бажарилмаганлиги;
            89 та дорихонада имтиёзга эга беморларни дори-дармонлар билан таъминлашга худудий соғлиқни сақлаш бўлимлари билан шартномалар тузилмаганлиги;
            24 та дорихонада Лицензия битимига ўзгартириш киритилмаганлиги;
            2 та дорихонада текширув кунида мутахассиснинг иштирок этмаганлиги аниқланди.
151 та тадбиркорлик субъектларига кўрсатмалар берилди. (1та тадбиркорлик субъектида камчилик аниқланмади)
2017 йил 3-чорагида СанПиН-0337-16 ва СанПиН-0319-15 талабларига жавоб бермаган 56 та дорихонага берилган кўрсатмани бажарилганлигини аниқлаш мақсадида қайта текширувлар ўтказилди ва дорихоналарда СанПиН талаблари бажарилганлиги аниқланди.
95 та дорихонада аниқланган камчиликлар бартараф этилди.
Режали текширувлар давомида 2 та лицензиатда қонунбузилиш аниқланди:
-Ўзбекистон Республикаси Соғлиқни сақлаш вазирлиги фармацевтика фаолиятини Лицензиялаш Кенгашига, Ўзбекистон Республикаси Бош прокуратурасига, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш Давлат қўмитасига чора кўриш учун иш ҳужжатлари тақдим этилди.
2.
2017 йил 6 майда Адлия вазирлиги томонидан 2878-сон билан рўйхатга олинган 2017 йилнинг 14 мартида Республика Кенгашида тасдиқланган 1-сонли «Назорат қилувчи органлар томонидан хўжалик юритувчи субъектлар-юридик шахслар фаолиятидаги текширишларни мувофиқлаштириш ва ўтказиш тартиби тўғрисида»ги Низомнинг 3-иловаси  ижросини таъминлаш борасида, 2017 йилда 5 та дорихонада  сифат назорат ишлари ўтказилди ва қуйидагилар аниқланди:
- 5 турдаги 30 ўрам дори воситаларини қалбакилаштирилганлиги,
- 9 турдаги 47 ўрам дори воситалари Ўзбекистон Республикаси қайд этилган дори воситалари ва тиббий буюмлар Давлат реестрига киритилмаганлиги,
- 19 турдаги 94 ўрам дори воситаларини Республика сертификатлаштириш идоралари томонидан мувофиқлик сертификати расмийлаштирилмаганлиги,
- 2 турдаги 6 ўрам дори воситаларини “ёрлиқлаш” кўрсаткичи бўйича меъёрий ҳужжатлар талабига жавоб бермаслиги,
- 1 турдаги 5 ўрам дори воситаларини давлат тилида қўллаш йўриқномалари тақдим этилмаганлик ҳолатлари аниқланди.
Аниқланган қонунбузилишлар бўйича Ўзбекистон Республикаси Бош прокуратураси ҳузуридаги СВОЖЖДЛҚКД, худудий бўлимларига ва ҳокимиятларга қонунда белгиланган тартибда чора кўриш учун 2 та ишлаб чиқариш корхонасида ва 5 та дорихоналарга нисбатан чора кўриш учун иш ҳужжатлари тақдим этилди.
3. Ўзбекистон Республикаси Президентининг 2017 йил 17 июль кунидаги “Аҳолини дори воситалари ва тиббий буюмлар билан таъминлаш тизимини такомиллаштириш бўйича қўшимча чора-тадбирлар тўғрисида”ги ПҚ – 3137 сонли қарорини 6-банди ва Ўзбекистон Республикаси Бош вазири А. Ариповнинг 2017 йил июль ойидаги кўрсатмаси ижросини таъминлаш мақсадида “Ўзфармсаноат” ДАК таркибига кирувчи 63 та фармацевтика махсулотини ишлаб чиқарувчи корхоналарнинг 60 тасини жойига чиқиб, 3тасини тақдим этилган хужжатларни ўрганган ҳолда иш фаолияти ўрганилди ва аниқланган камчиликлар умумлаштирилиб маълумот ва ҳужжатлар ЎзР Бош Прокуратурасига тақдим этилди. Меъёрий технологик хужжатларга тегишли аниқланган камчиликларни бартараф этиш бўйича 43 та корхонага 43 кўрсатма берилди ва бугунги кунга камчиликларни бартараф этиш бўйича корхоналар билан иш олиб борилмоқда.
4.
ССВ тизимидаги дори воситаларини тайёрлашга лицензияга эга ДПМ ички дорихоналарида 2017 йил учун текшириш режа жадвалига асосан Қорақалпоғистон Республикаси ва 7 та вилоятлардаги 66 та ДПМ ички дорихоналарида текширувлар ўтказилди, жумладан :
- 12 та ДПМ ички дорихоналарида фаолият юритмаётганлиги аниқланди;
- 42 та ДПМ ички дорихоналарида камчиликлар аниқланди;
- 12 та ДПМ ички дорихоналарида аниқланган камчиликлар текшириш жараёнида бартараф қилинди;
- Экспертиза ишларини ўтказиш  учун  41 та ДПМ ички дорихоналарида                  109 та намуналар танлаб олинди;
 Ўтказилган текширишларда қуйидаги камчиликлар аниқланди:
- 12 та ДПМ ички дорихоналарида асептик блок хоналари СанПиН 0337-16 талабларига жавоб бермайди;
- 26 та ДПМ ички дорихоналарида ССВнинг “Дорихонада микробиологик ва биологик назорат бўйича йўриқнома” талаблари бажарилмаган;
- 12 та ДПМ ички дорихоналари ССВнинг 195-сонли буйруғи тўлиқ бажармаган;
- текширишда танлаб олинган стерил дори воситаларини ДВТБТТЭСДМ лабораторияларининг таҳлил натижаларига кўра, 6 та ДПМ ички дорихоналарида “Стериллик” кўрсаткичи бўйича меъёрий хужжатлар талабларига жавоб бермаганлиги аниқланди
 Аниқланган камчиликларни бартараф  қилиниши бўйича кўрилган чора-тадбирлар.
- 42 та ДПМ ички дорихоналарига кўрсатмалар берилди;
- 7 та ДПМ ички дорихоналарида стерил дори воситалар тайёрлаш тўхтатилди;
- 4 та ДПМ ички дорихоналарида қайта текшириш ишлари ўтказилди;
- 4 та ДПМ ички дорихоналарида  стерил дори воситалар тайёрлаш қайтадан йўлга қўйилди.
Самарқанд вилоятидаги ДПМ ички дорихоналари холати ва муаммолари бўйича ДВТБВТТЭСДМ директори ўринбосари, Фарминспекция бошлиғи Д.Г.Носирова раҳбарлигида семинар ўтказилди.  Семинарда Самарқанд вилояти ССБ бошлиғининг биринчи ўринбосари ДФҚ раиси А.Ж.Мустафаев, вилоятдаги барча ДПМ раҳбарлари ва 47 та дорихона мудирлари иштирок этди.
Аниқланган камчиликлар бўйича маълумотномалар юборилди:
- Қорақалпоғистон Республикаси Соғлиқни сақлаш вазирлигига;
- 7 та вилоят ССБ раҳбарларига;    
- 1 та “Тошкент вилояти Дори-Дармон” раҳбарларига;
- 4 та ҳудудий ДСЭНМ раҳбарларига.
5. Фарминспекцияга ЎзР Президентининг виртуал қабулхонасидан, Бош Прокуратуранинг «Ишонч телефони»дан, Ягона интерактив давлат  хизматлар порталидан, ССВнинг сайтидан ҳамда жисмоний ва юридик шахслардан почта орқали 438 та мурожаатлар келиб тушди, улардан:
- 435 та жавоб хатлари мурожаат муаллифларига, шунингдек қўшимча равишда
- 85 та хат тегишлилиги бўйича: ЎзР Хусусийлаштирилган корхоналарга кўмаклашиш ва рақобатни ривожлантириш давлат қўмитасига, ЎзР Бош Прокуратураси ҳузуридаги СВОЖДЛҚКДга, Соғлиқни сақлаш вазирлигига, Давлат Солиқ Инспекциясига, АК «Дори-Дармон»га, Сергели туман тиббиёт бирлашмасига, Республика Ихтисослаштирилган Эндокринология Илмий-Амалий тиббиёт маркази, Тошкент шаҳар ва вилоятлар соғлиқни сақлаш бошқармалари, ҳокимликларига, Қорақалпоғистон Республикаси Вазирлар Кенгашига ва ССВга, «Ўзфармсаноат» ДАКка юборилди.
-3 та аноним хат Соғлиқни сақлаш вазирлигига қайтарилди.
6. ЎзР Президентининг 2016 йил 5 октябрдаги «Тадбиркорлик фаолиятининг жадал ривожланишини таъминлашга, хусусий мулкни ҳар томонлама ҳимоя вилишга ва ишбилармонлик муҳитни сифат жиҳатидан яхшилашга доир қўшимча чора-тадбирлар тўғрисида»ги ПФ-4848-сон фармони асосида профилактика ишлари ўтказилди.
Қорақалпоғистон Республикаси, вилоятлар ва Тошкент шаҳрида 111 та семинар-йиғилишлар ўтказилди.
- Вилоят ҳокимлики, Адлия Бошқармаси, Ўз.Рес. Бош прокуратура ҳузуридаги СВОЖЖДЛҚК ва вилоят прокуратура ҳузуридаги СВОЖЖДЛҚК департаменти, Хусусийлаштирилган корхоналарга кўмаклашиш ва рақобатни ривожлантириш давлат қўмитасига, Вилоят солиқ инспекцияси, ССБ, ДСЭНМ, «Дори-Дармон» АК масъул мутахассислари ва ишлаб чиқариш корхоналари, улгуржи реализация қилувчи ташкилотлар, ДПМ ички дорихона муассасаларидан 8484 та рахбар ва ходимлари иштирок этишди.
- 1447 та тушунтириш ишлари олиб борилди.
- 5722 та тегишли материаллар тарқатилди.
- 125 та «Очиқ эшиклар куни» ўтказилиб, тадбиркорлик субъектларининг 693 та масаласи ҳал қилинди.
- 14 та «Ишонч телефонлари» орқали, тадбиркорларнинг 1047 та мурожатлари тингланиб, муаммолар ҳал қилинди.
7.
Лицензияга талабгор корхоналарнинг тақдим этилган мурожаатлар бўйича  44 та ишлаб чиқариш корхоналари жойига чиқиб ўрганилди. Улардан:
 -30 та ишлаб чиқариш корхонасига ижобий хулоса берилди
-10 та ишлаб чиқариш корхонасига улар томондан ишлаб чиқилган ва тақдим этилган лойихалари ўрганиб консультатив ва амалий ёрдам берилди.
- 3 та корхонага жойига чиқиб тақдим этилган хужжатлар ва шароитни ўрганилиб натижада фармацевтик махсулотни ишлаб чиқаришни ташки этиш учун қонун, қонуности ва норматив хужжатларда қўйилган талабларги жавоб бермаслиги аниқланганлиги сабабли  рад этилди.
8.
Соғлиқни сақлаш вазирлиги фармацевтика фаолиятини Лицензиялаш кенгашининг эксперт комиссияси таркибидаги мутахассислар  томонидан фармацевтика фаолияти билан шуғулланиш учун лицензия олиш мақсадида мурожаат этган 264 та дорихона муассасаларига (131 та дорихона, 133 та дорихона шахобчаси), 27 та улгуржи омборхоналарига эксперт хулосалари берилди ва уларга амалий ёрдам кўрсатилди.
9. Сертификатлаштириш идоралари ва Рўйхатдан ўтказиш бўлими томонидан сифат назорати олиб бориш ва мувофиқлик сертификати расмийлаштириш, шунингдек Фармиспекция мутахассислари томонидан корхоналар фаолиятини ўрганишда танлаб олинган намануларни сифат тахлили натижасида 21 та фармацевтика фаолияти билан шуғулланувчи корхона ва ташкилотлар томонидан 35 номдаги 49 сериядаги 1 952 672 ўрам 1 8127 кг дори воситалари ва 571 765 дона тиббий буюмлардан: 3 та фирманинг 6 номдаги 7 серия 2 304 ўрам ва 2 дона тиббий буюм Давлат рўйхатидан ўтмаган; 18 та фирманинг 29 номдаги 42 серия 1 950 368 ўрам 1 8127 кг ва 569 765 дона тиббий буюмлар сифатсиз деб топилди ва ушбу ташкилотларга 27 та кўрсатмалар берилди. Улардан 11 корхона ва ташкилот кўрсатмалар ижросини таъминлади.
-ЎзР ВМнинг 6 апрел 2017 йилдаги 185-сонли қарорига асосан, 2017 йил июль ойидан бошлаб фармацевтика фаолияти билан шуғулланувчи 12 та ташкилотдан яроқлилик муддати тугаган ва яроқсиз ҳолга келган дори воиталари ва тиббий буюмларнинг йўқ қилиш комиссиясида иштирк этиш учун мутахассис сўраб 17 та мурожаат хатлари келиб тушган ва колмиссия аъзолари иштирокида 58474 ўрам дор воситалари ва 17467 кг субстанциялар ва дори воситалари йўқ қилинди.
10.
Ўз ВМнинг 2009 йил 15 июлдаги 200-сонли «Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартибини такомиллаштириш тўғрисида»ги қарори ижросини таъминлаш мақсадида Ўзбекистон Республикаси хуқуқни ҳимоя қилиш идоралари томонидан 373 та мурожаат хати билан 2536 турдаги 69820 ўрам дори воситалари ва тиббий буюмларга экспертиза ишлари олиб борилди (ЎзР Бош Прокуратураси ва худудий бўлинмалари, Миллий хавфсизлик хизмати, Ички ишлар вазирлиги, Давлат Солиқ Қўмитаси, Республика Божхона Қўмитаси ва худудий бўлинмалари).
Дори воситалари ва тиббиёт буюмлар экспертиза хулосаларига кўра:
5 турдаги 5 ўрам қалбакилаштирилганлиги,
86 турдаги 56455 ўрам сифатсизлиги,
381 турдаги 381 ўрам яроқлилик муддати тугаганлиги,
458 турдаги 5857 ўрам Давлат рўйхатидан ўтмаганлиги,
1720 турдаги 63807 ўрам тиббиёт амалиётида қўллаш мумкин эмаслиги,
1428 турдаги 67443 ўрам давлат рўйхатидан ўтганлиги,
147 турдаги 147 ўрам тиббиёт амалиётида қўлланилишига рухсат этилди ва мурожат қилган органларга экспертиза хулосалари юборилди.
11.
ЎзРга мурувват ёрдами тарзида олиб кирилаётган дори воситалари, тиббий буюмлар ва тиббий техникаларнинг сифати ва яроқлилигини аниқлаш бўйича 109 та мурожаат хатлари асосида Республикага олиб кирилган 744 турдаги дори воситалар, 211 турдаги тиббий буюмлар ва 108 та тиббий техниканинг сифати бўйича экспертиза ишлари ўтказилди ва тегишли ташкилотларга тақдим этилди.
12.
61 та ишлаб чиқариш регламенти экспертизадан ўтказилди ва хулоса берилди.
- 2017 йил август ойидан бугунги кунга қадар 12 та рўйхатдан ўтказиш учун тақдим этилган ҳужжатлар тўплами экспертизадан ўтказилди ва хулосалар берилди.
- 37 корхона ва ташкилотлар томонидан республика олиб кириш учун субстанциялар ва ярим тайёр маҳсулотга тақдим этилган
- 251 та хужжатлар тўплами экспертизаси ўтказилди ва хулоса берилди.

III. Келгусида режалар.
1. Фармацевтика корхоналарида ISO 9001:2015 ва GMP халқаро стандартларга жорий этиш бўйича иш олиб бориш;
2. ДПМ ларда дори турларини тайёрлашда сифат назорат ва технологияларни янада кучайтириш ва стандарт талабига тўла жавоб берилиши бўйича иш олиб бориш.
3. Дори воситалари ва тиббий буюмларни улгуржи реализацияси бўйича стандарт талаблари бажарилишини янада кучайтириш.
4. Қалбаки ва сифатсиз махсулотларни Ўзбекистон Республикаси худудига олиб кирилишини олдини олишда хуқуқни химоя қилувчи органлар билан хамкорликни янада кучайтириш.
5. Фармацевтик корхоналарни ташкил қилишда жойларга чиқиб консультатив ва амалий ёрдам бериш ишларини такомиллаштириш.

Бизнинг реквизитлар:
Тел:
(99871) 242-48-68, 242-48-93, 242-69-58
Факс:
(99871) 242-48-25, 242-69-58
e-mail:
dilorom.nosirova@minzdrav.uz
            
farmkomitet@minzdrav.uz, lazizkhuja.sharipov@minzdrav.uz;

      Cайт Государственной Власти
      Cайт Минздрав РУз
  Copyright © 2006 ГУККЛСиМТ
Разработка студии Brand.Uz